პრეამბულა
წინამდებარე „პერსონალურ მონაცემთა დაცვის პოლიტიკა“ (შემდგომში „პოლიტიკა“) განმარტავს, თუ როგორ ვახორციელებთ შპს „ტოპ ჯორჯია“ (ს/კ: 402024171) (შემდგომში „კომპანია“, „ჩვენ“) ჩვენს ვებგვერდის (შემდგომში „პლატფორმა“) მომხმარებლების (შემდგომში „მომხმარებელი“, „თქვენ“) პერსონალური მონაცემების დამუშავებას, მათი კონფიდენციალობისა და უსაფრთხოების უზრუნველყოფას.
თქვენ მიერ პლატფორმის გამოყენება და რეგისტრაცია ჩაითვლება იმის დასტურად, რომ წაიკითხეთ, დეტალურად გაეცანით და დაეთანხმეთ წინამდებარე პოლიტიკას და მასში განსაზღვრულ მონაცემთა დამუშავების წესებსა და პირობებს.
1. კომპანიის და მონაცემთა დაცვის ოფიცრის საკონტაქტო ინფორმაცია
კომპანიის დასახელება: შპს „ტოპ ჯორჯია“
საიდენტიფიკაციო კოდი: 402024171
იურიდიული მისამართი: ვანი ქ. 4, თბილისი, საქართველო
ელფოსტა: contact@topgeorgia.ge
პერსონალურ მონაცემთა დაცვის ოფიცერთან დაკავშირება: პერსონალურ მონაცემთა დამუშავებასთან დაკავშირებული ნებისმიერი კითხვის, მოთხოვნის ან შენიშვნის შემთხვევაში, შეგიძლიათ დაუკავშირდეთ ჩვენს პერსონალურ მონაცემთა დაცვის ოფიცერს კომპანიის ელფოსტაზე:
2. მონაცემთა დამუშავების მიზნები და სამართლებრივი საფუძვლები
ჩვენ ვამუშავებთ თქვენს პერსონალურ მონაცემებს „პერსონალურ მონაცემთა დაცვის შესახებ“ საქართველოს კანონით განსაზღვრული პრინციპების დაცვით, შემდეგი მიზნებით:
- მომსახურების მიწოდება: თქვენი იდენტიფიცირება, შეკვეთების მიღება, დამუშავება, შეძენილი პროდუქციის მოწოდება და საკურიერო სერვისის განხორციელება.
- ფინანსური ოპერაციები: თქვენ მიერ შეძენილი პროდუქციის ღირებულების გადახდის, თანხის დაბრუნების (უკუგატარების) ოპერაციების დამუშავება და მართვა.
- მომხმარებელთან ურთიერთობა: თქვენი პრეტენზიების ან შეკითხვების განხილვა და დროული რეაგირება.
- პირდაპირი მარკეტინგი (თქვენი თანხმობით): თქვენთვის ინფორმაციის მოწოდება ჩვენი პროდუქტების, მიმდინარე აქციებისა და სპეციალური შეთავაზებების შესახებ SMS-ის ან ელექტრონული ფოსტის საშუალებით.
- ანალიტიკა და პლატფორმის გაუმჯობესება: ჩვენი სერვისების ხარისხის გაუმჯობესება, ვებგვერდის ფუნქციონირების ანალიზი და მომხმარებლის გამოცდილების პერსონალიზება.
- კანონიერი ვალდებულებების შესრულება: საქართველოს კანონმდებლობით დაკისრებული ვალდებულებების (მაგ., საგადასახადო) შესრულება, თაღლითობის პრევენცია და სამართალდამცავ ორგანოებთან კანონით გათვალისწინებულ შემთხვევებში თანამშრომლობა.
მონაცემთა დამუშავების სამართლებრივი საფუძვლებია:
- თქვენი თანხმობა (მაგ., პირდაპირი მარკეტინგისთვის);
- თქვენთან დადებული ხელშეკრულების შესრულება (მაგ., პროდუქტის მოწოდება);
- ჩვენი კანონიერი ინტერესი (მაგ., თაღლითობის პრევენცია, ანალიტიკა);
- კანონიერი ვალდებულების შესრულება.
3. მონაცემები, რომლებსაც ვაგროვებთ და ვამუშავებთ
ჩვენი მიზნების მისაღწევად, ჩვენ შეიძლება შევაგროვოთ და დავამუშაოთ შემდეგი კატეგორიის მონაცემები:
- საიდენტიფიკაციო მონაცემები: სახელი, გვარი, პირადი ნომერი.
- საკონტაქტო მონაცემები: ელექტრონული ფოსტის მისამართი, ტელეფონის ნომერი, მიწოდების მისამართი.
- დემოგრაფიული მონაცემები: დაბადების თარიღი, სქესი.
- შეკვეთების ისტორია: პლატფორმის მეშვეობით შეძენილი პროდუქციის ისტორია და დეტალები.
- ფინანსური მონაცემები: გადახდის ბარათის მონაცემები. გთხოვთ გაითვალისწინოთ, რომ გადახდები მუშავდება ჩვენი პარტნიორი ბანკების ან/და საგადახდო სისტემების დაცული პლატფორმების მეშვეობით. ჩვენ შეიძლება ვინახავდეთ მხოლოდ ტრანზაქციის დეტალებს ან ბარათის ნაწილობრივ მონაცემებს (მაგ., ბოლო 4 ციფრი) მომავალი გადახდების გასამარტივებლად, მხოლოდ თქვენი თანხმობით.
- ტექნიკური მონაცემები (Cookie ფაილები): IP მისამართი, ბრაუზერის ტიპი, მოწყობილობის მონაცემები და ვებგვერდზე თქვენი ქცევის ანალიზი (იხ. პუნქტი 6).
4. მონაცემთა გაზიარება მესამე პირებთან
წინამდებარე პოლიტიკაში მითითებული მიზნების მისაღწევად, ჩვენ შეიძლება გავუზიაროთ თქვენი პერსონალური მონაცემები შემდეგი კატეგორიის მესამე პირებს:
- საკურიერო კომპანიები: ჩვენ ვთანამშრომლობთ სხვადასხვა ლოჯისტიკურ და საკურიერო კომპანიასთან, რომლებსაც გადაეცემათ თქვენი საკონტაქტო ინფორმაცია (სახელი, გვარი, მისამართი, ტელეფონის ნომერი) შეკვეთის მოსაწოდებლად.
- გადახდის სერვისის პროვაიდერები (ბანკები): თქვენი გადახდის დასამუშავებლად, ფინანსური მონაცემები გადაეცემა შესაბამის საგადახდო სისტემებს ან პარტნიორ ბანკებს.
- მარკეტინგული და ანალიტიკური პარტნიორები: თქვენი თანხმობის შემთხვევაში, მონაცემები (მაგ., ელფოსტა, ტელეფონის ნომერი) შეიძლება გადაეცეს SMS/Email მარკეტინგის პროვაიდერებს. აგრეთვე, ჩვენ ვიყენებთ ანალიტიკურ ინსტრუმენტებს (მაგ., Google Analytics, Meta Pixel), რომლებიც ანონიმურად ან ფსევდო-ანონიმურად აგროვებენ მონაცემებს ვებგვერდის გამოყენების შესახებ.
- სახელმწიფო ორგანოები: კანონმდებლობით პირდაპირ გათვალისწინებულ შემთხვევებში, სასამართლოს გადაწყვეტილების ან სამართალდამცავი ორგანოების კანონიერი მოთხოვნის საფუძველზე.
ჩვენ ვითხოვთ ყველა მესამე მხარისგან, რომლებსაც თქვენს მონაცემებს გადავცემთ, უზრუნველყონ მათი უსაფრთხოება და დაამუშაონ ისინი მხოლოდ ჩვენ მიერ განსაზღვრული მიზნებით და კანონმდებლობის შესაბამისად.
5. მონაცემთა უსაფრთხოება და შენახვის ვადა
უსაფრთხოება: ჩვენ ვიღებთ ყველა აუცილებელ ორგანიზაციულ და ტექნიკურ ზომას, რათა დავიცვათ თქვენი პერსონალური მონაცემები შემთხვევითი ან უკანონო განადგურებისგან, დაკარგვისგან, ცვლილებისგან, არასანქცირებული გამჟღავნებისგან ან წვდომისგან.
შენახვის ვადა: ჩვენ ვინახავთ თქვენს პერსონალურ მონაცემებს იმდენ ხანს, რამდენიც საჭიროა იმ მიზნების მისაღწევად, რისთვისაც ისინი შეგროვდა. თქვენი ანგარიშის გაუქმების (მომსახურების დასრულების) შემდეგ, თქვენი მონაცემები შეინახება 10 (ათი) წლამდე ვადით, რაც განპირობებულია კანონმდებლობით დადგენილი მოთხოვნებით (მაგ., საგადასახადო ანგარიშგება, ხანდაზმულობის ვადები სამართლებრივი დავების შემთხვევაში).
6. „მზა ჩანაწერები“ (Cookies) და ანალიტიკა
ჩვენი პლატფორმა იყენებს "Cookie" ფაილებს და მსგავს ტექნოლოგიებს მომსახურების გასაუმჯობესებლად. ეს არის მცირე ტექსტური ფაილები, რომლებიც ინახება თქვენს მოწყობილობაზე. ჩვენ ვიყენებთ:
- აუცილებელ ქუქი-ფაილებს: რომლებიც საჭიროა ვებგვერდის ძირითადი ფუნქციონირებისთვის (მაგ., სავაჭრო კალათა).
- ანალიტიკურ ქუქი-ფაილებს (Google Analytics): გვეხმარება გავიგოთ, როგორ იყენებენ მომხმარებლები ჩვენს ვებგვერდს, რათა გავაუმჯობესოთ მისი მუშაობა.
- მარკეტინგულ ქუქი-ფაილებს (Meta Pixel): გვეხმარება ჩვენი სარეკლამო კამპანიების ეფექტურობის გაზომვაში და თქვენთვის რელევანტური რეკლამის ჩვენებაში სხვა პლატფორმებზე.
თქვენ შეგიძლიათ მართოთ (შეზღუდოთ ან დაბლოკოთ) ქუქი-ფაილები თქვენი ბრაუზერის პარამეტრებიდან, თუმცა გაითვალისწინეთ, რომ ამან შეიძლება შეზღუდოს პლატფორმის ზოგიერთ ფუნქციაზე წვდომა.
7. ასაკობრივი შეზღუდვა
კომპანიის პლატფორმით სარგებლობა დაუშვებელია 18 წლამდე ასაკის პირებისთვის. ჩვენ არ ვაგროვებთ შეგნებულად მონაცემებს 18 წლამდე პირებისგან. თუ ჩვენთვის ცნობილი გახდება, რომ პლატფორმაზე დარეგისტრირდა 18 წლამდე პირი, ჩვენ დაუყოვნებლივ გავაუქმებთ ასეთ ანგარიშს და წავშლით დაკავშირებულ მონაცემებს. პლატფორმაზე რეგისტრაციით თქვენ ადასტურებთ, რომ ხართ სულ მცირე 18 წლის.
8. მომხმარებლის (მონაცემთა სუბიექტის) უფლებები
„პერსონალურ მონაცემთა დაცვის შესახებ“ საქართველოს კანონის შესაბამისად, თქვენ გაქვთ უფლება:
- მიიღოთ ინფორმაცია თქვენი მონაცემების დამუშავების შესახებ.
- მოითხოვოთ თქვენი მონაცემების ასლი.
- მოითხოვოთ მონაცემების გასწორება, განახლება ან შევსება, თუ ისინი არასრულია ან არაზუსტი.
- მოითხოვოთ მონაცემთა დამუშავების შეწყვეტა, წაშლა ან განადგურება, თუ არსებობს კანონით გათვალისწინებული საფუძველი (მაგ., მონაცემები აღარ არის საჭირო იმ მიზნებისთვის, რისთვისაც შეგროვდა).
- მოითხოვოთ მონაცემთა დაბლოკვა (დამუშავების დროებით შეჩერება).
- გამოიხმოთ თანხმობა ნებისმიერ დროს (მაგ., პირდაპირ მარკეტინგზე), თუ მონაცემთა დამუშავება ეფუძნება თანხმობას. თანხმობის გამოხმობა გავლენას არ ახდენს გამოხმობამდე განხორციელებული დამუშავების კანონიერებაზე.
-
მიმართოთ პერსონალურ მონაცემთა დაცვის სამსახურს ან სასამართლოს თქვენი უფლებების დარღვევის შემთხვევაში.
ამ უფლებების გამოსაყენებლად, გთხოვთ, დაგვიკავშირდეთ ამ პოლიტიკის 1-ლ პუნქტში მითითებულ საკონტაქტო ინფორმაციაზე.
9. მომხმარებლის პასუხისმგებლობა
მომხმარებელი პასუხისმგებელია ჩვენთვის მოწოდებული ინფორმაციის (მათ შორის, პერსონალური მონაცემების) სისწორეზე, სიზუსტესა და სისრულეზე. პერსონალური მონაცემების ცვლილების შემთხვევაში, მომხმარებელი ვალდებულია დაუყოვნებლივ განაახლოს ინფორმაცია მის პირად ანგარიშზე ან შეგვატყობინოს ცვლილების შესახებ.
აგრეთვე, მომხმარებელი პასუხისმგებელია საკუთარი ანგარიშის წვდომის მონაცემების (როგორიცაა პაროლი) კონფიდენციალურობის დაცვაზე. კომპანია არ არის პასუხისმგებელი მესამე პირების მიერ მომხმარებლის ანგარიშთან არაავტორიზებული წვდომის შედეგად გამოწვეულ ზიანზე, თუ ეს გამოწვეული არ არის კომპანიის ბრალით.
10. ცვლილებები პოლიტიკაში
ჩვენ ვიტოვებთ უფლებას, დროდადრო შევიტანოთ ცვლილებები წინამდებარე პოლიტიკაში, რაც შეიძლება გამოწვეული იყოს საკანონმდებლო ცვლილებებით ან ჩვენი ბიზნეს პროცესების განახლებით. ნებისმიერი ცვლილება გამოქვეყნდება ჩვენს პლატფორმაზე და მნიშვნელოვანი ცვლილებების შემთხვევაში, შესაძლოა დამატებით შეგატყობინოთ ელექტრონული ფოსტის საშუალებით.
